Na madrugada deste sábado 19 de agosto producíase un accidente de tráfico no concello de Manzaneda no que falecía unha persoa ao bater o seu coche contra un muro, tal como informan dende o 112 Galicia, asegurando que “á súa chegada, os servizos sanitarios só puideron confirmar o seu pasamento”.
Era un particular quen alertaba ao 112, en torno ás 6:15 horas, “dun coche que acababa de colidir contra un muro no quilómetro 7 da OU-0701, á altura de San Martiño de Manzaneda” e “aínda que nun primeiro momento sinalaba que a persoa permanecía atrapada no vehículo, o propio alertador foi quen de abrir a porta”, narran dende o servizo de emergencias que, solicitaba a intervención de Urxencias Sanitarias de Galicia-061, da Garda Civil de Tráfico e dos voluntarios de Protección Civil de Manzaneda, “os que indicaban, unha vez no lugar, que a persoa non respondía aos seus estímulos”.
