Mañá, sábado 12 de novembro a estas horas, estarase celebrando o pasabares da foliada organizada pola Asociación Cultural Abertal. Comezará na praza de Fontei, tralo magosto da asociación e percorrerá diferentes bares da Rúa.
En total son sete as agrupaciós de música tradicional que actuarán mañá (Candaira de Castrelo de Val, Estoupapotes de Pobra do Brollón, Mencía de Toral de los Vados, Macizas Centrais da Pobra de Trives, Quinchousa de Manzaneda, Os Parrandas de Córgomo e Abertal da Rúa), contando ademais cun persoa especial, Faustino Luis Seoane, o gaiteiro do Canizo (A Gudiña). “É un luxo poder contar cunha persoa coma el que aos seus 98 anos aínda segue a tocar a gaita”, asegura Manuel Durán, fundador de Abertal.
