Dende o CEIP Bibei de Viana do Bolo partía o desfile infantil que percorría as rúas da vila na mañá do Xoves de Comadres. Os alumnos deste centro, nuns casos disfrazados e noutros vestidos de Boteiros ou tocando no fulión, enchían de cor e son a localidade.
No desfile tamén participaban os alumnos do IES Carlos Casares de Viana do Bolo, así como os da gardería de Vilariño de Conso. Os rapaces chegaban ata a praza Maior onde pedían en verso o permiso, despois soaban os folións do colexio e do instituto vianeses.
Nestas imaxes, pode verse aos nenos do CEIP Bibei en diversos momentos da xornada do Xoves de Comadres.
Fotos cedidas polo CEIP Bibei de Viana do Bolo.
