Esta tarde recibíanse en Galicia as primeiras unidades da vacina contra o Covid de Janssen que comezará a administrarse mañá. A ela referíase o conselleiro de Sanidade, Julio García, na rolda de prensa que ofrecía esta mañá. Matizaba que se prevía recibir un total de 8.350 doses, que serán destinadas aos pacientes que están en domicilio.
“Pensamos que é especialmente axeitada para as persoas que non poden acudir ao seu centro de saúde para ser vacinas porque se trata dunha vacina cunha soa dose (a diferenza das outras tres que están administrando ata agora: Pfizer, Moderna e AstraZeneca). Ademais tamén a propuxemos para o colectivo dos mariñeiros”, aseguraba Julio García.
