Achegar o fútbol aos máis pequenos, lograr un gran ambiente e encher de público, sobre todo infantil, o campo. Son os obxectivo co que nacía o “día dos nenos”, a xornada na que cada ano o Centro de Deportes Barco convida a nenos e pais a un partido de liga.
Este ano o partido elixido era o disputado na tarde deste domingo 16 de marzo entre o CD Barco e o Cultural Areas, no que se rexistraba unha gran entrada. E non é para menos xa que ademais da entrada para ver ao equipo sénior e o sorteo de camisetas e outros agasallos, o club instalaba castelos inchábeis xigantes para deleite dos máis pequenos.
O día, soleado, acompañou. Tamén o resultado, 1-0 favorable aos locais grazas ao gol de Ocampo.
Fotos: Carlos G. Hervella.
