Grazas aos músicos, público, voluntarios e colaboradores “o noso pequeño festival estase convertendo en algo moi grande. A fin de semana foi unha gozada, tivemos máis actividades e concertos que nunca, e imos a máis…vémonos o ano que vén”.
Con estas palabras os organizadores de Blues no Sil resumían a III edición do festival que vai camiño de converterse nun referente do blues en Galicia. Por algo contou coa presenza de grupos galegos como os coruñeses Big Lis & Her Rodmen e os vigueses Booty Sweat, pero tamén bandas nacionais como os guipuzcoanos The Románticos, os cataláns Txus Blues & José Bluefingers, ou Big Yuyu de Mallorca.
Ademais do taller de harmónica e os mini concertos polas rúas, a edición deste ano contou con novidades como a jamm session vermu, unha clase de combo e unha jamm session fnal con tódolos músicos.
