A Consellería do Medio Rural informa dun incendio forestal, activo arestora, no concello ourensán de Riós, parroquia de Fumaces e A Trepa, que segundo as últimas estimacións rolda as 20 hectáreas de superficie afectada. O fume deste incendio obrigou a cortar puntualmente o tráfico na N-525, pero xa está restablecido.
O lume iniciouse ás 16,10 h. de hoxe e para o seu control mobilizáronse, polo de agora, 1 técnico, 5 axentes, 8 brigadas, 6 motobombas, 4 helicópteros, 1 pá e 5 avións.
