ITH actúa mañá, venres 3 de febreiro, na Sala Baranda do Barco

Mañá, venres 3 de febreiro, chega por primeira vez ao Barco de Valdeorras ITH, a banda que cumpre xa máis de 15 anos de traxectoria musical facendo rock en galego.

Quince anos resumidos en tres maquetas, un disco gravado en directo, un CD en acústico e un DVD ao vivo, así como numerosas actuacións por toda Galicia, chegando a compartir escenario con bandas como Los Suaves e ter actuado en festivais como o da Luz. O ano pasado lanzaban o seu primeiro  disco de estudo titulado Forte co que comezaban de cero. Un disco cheo de temas entre o rock e o pop máis enérxico especialmente forte nos directos.

Quen así o desexe poderá comprobalo no concerto que darán a partires das 23:30h. na Sala Baranda, onde comezan a súa xira 2017.