Comezará ás 19h. con saídas na rúa San Martín da vila e nela poderán participar nenos e nenas entre 2 e 14 anos
Dende a Praza de Abastos de Trives (rúa San Martín) comezarán a darse as saídas da IV Carreira de San Bartoliño. Será a partires das sete da tarde do vindeiro domingo 19 de agosto.
Esta cita deportiva será organizada pola Concellería de Deportes da Pobra de Trives e nela poderán participar nenos e nenas entre 2 e 14 anos, ambos incluídos. A distancia a percorrer varía en función da idade dos corredores.
As inscricións poderán realizarse na Oficina de Turismo (988 33 09 67) ou o mesmo día da carreira no punto de saída, media hora antes do evento.