A gastronomía e a música serán un ano máis os protagonistas da Festa do Cordeiro de Larouco que neste 2024 celebrará a súa a XVII edición o vindeiro 27 de abril. Ese día a partir das 14 horas celebrarase no pavillón municipal o xantar, servido por Mantesil, cun menú a base de entremeses, empanada, cordeiro con ensalada, postre, café e chupitos.
A entrada custará 22 euros para os adultos e 10 euros para os nenos ata os 10 anos e poderán mercarse ata o 24 de abril en todos os negocios de Larouco, no Bar Maruxa de Freixido, na Carnicería Nogueira da Rúa, e na tenda de deportes Foot on Mars e na Ferretería Panorama no Barco de Valdeorras. As reservas, no teléfono 988 348 002 ou no correo electrónico concellolarouco@gmail.com.
A festa contará con animación a cargo de A.C. A Caniceira-Macizas Centrais, Dúo Maratón. Ademais, haberá un taller de manualidades colchonetas gratis para os máis cativos.
