Na tarde deste mércores 13 de novembro liberaban a un home tras quedar atrapado baixo o tractor que conducía na Peroxa, tal como informan dende o 112 Galicia, asegurando que era a muller do ferido quen daba a voz de alarma.
Daban as 14:45 horas cando os xestores de emerxencias recibiron o aviso do accidente producido no lugar A Pedreira, pertencente á parroquia de Carracedo, no concello ourensán da Peroxa. Segundo indicaba a particular, “o home quedara atrapado baixo o tractor tras envorcar o vehículo, aínda que por fortuna, o condutor atopábase ben”, din dende o 112 que informaban ao Servizo de Urxencias Sanitarias de Galicia-061, “os cales nun principio decidiron mobilizar o helicóptero medicalizado, aínda que finalmente o seu traslado non foi necesario xa que o home foi liberado coa axuda do persoal sanitario e duns veciños da zona e atendido no punto”.
O 112 Galicia tamén se solicitou a intervención dos Bombeiros do Carballiño, do GES de Pereiro e dos axentes da Garda Civil.
