Héctor Otero xa ten substituto no banquiño do equipo sénior do CD Barco. Menos dun día despois de que a directiva vermella anunciara a destitución do técnico que estivo dúas tempadas no club (primeiro como director deportivo e despois como adestrador), chegará ao Barco o novo adestrador.
Trátase de Lino Estévez, natural de Salceda de Caselas (Pontevedra) e coordinador das Escolas Denis Suárez. “É o técnico que subiu ao Xuvenil de Ponteareas dende Primeira Rexional ata Terceira División”, asegura o presidente do CD Barco Nilo Ramos, destacando que manteñen o mesmo perfil “xente xove con ilusión e ganas de comer o mundo”.
Na tarde deste mércores 8 de novembro dirixirá o seu primeiro adestramento no Campiño de Viloira.