Calidade, diversión, frescura e variedade son algunhas das características que mellor definen á Rebusca, o festival cultural cuxa edición de outono se celebrará o venres 20 e o sábado 21 de novembro en Manzaneda.
Cunha entrada de 8 euros para os dous días, A Rebusca de Outono arrancará mañá día 20 de novembro coas actuacións de Coanhadeira (folk), O Sonoro Maxín (cumbia, reggae), Güintervan (acústica drum & bass), Rastreros (rock bravu) e o picadiscos local Dj Zen.
Para a xornada do día 21, o festival contará coa presenza de Cé Orquestra Pantasma (Home orquestra), Blues do País, Cuchufellos de Manzaneda (que achegarán a súa “música da Galiza” como os festeiros anfitrións que son), Os Tres Trebóns (rancheiras), Dakidarría (ska, punk, reggae), os madrileños Spin Te Kú (Ska, Balcan) e o picadiscos Brigada Am Soundsystem.
Como en edicións anteriores, ademais de zona de acampada haberá posto de comida para todo aquel que decida achegarse ata Manzaneda a disfrutar de dous días de música en directo de estilos moi variados.
Máis información na edición en papel do Periódico O Sil.
