O IES Asorey de Cambados (Pontevedra) vén de inaugurar o 31 de maio a sexta edición da súa mostra artística Artsorey, con presenza valdeorresa. Esta exposición está dedicada ao insigne escultor local que dá nome ao centro e ao que se homenaxea este ano polo Día das Artes Galegas. A apertura tivo lugar ás 20 horas, na Sala B de Torrado, onde permanecerá ata o 30 de xuño.
Como sempre, a iniciativa reunía a alumnos, profesores e amigos do instituto que exhiben as súas creacións en diferentes formatos, desde a escultura ata o gravado, pasando pola pintura, a fotografía e o vídeo. Así, na nómina de creadores figuran nomes como Manuel Busto, Emérita Méndez, Eduardo Baamonde, Fernando Arenaz, Uxío López, Susana Ferradás, Gerardo Rodríguez “Chere”, Fernando Quintela ou Pablo Framiñán, entre outros.
Tras a inauguración, os asistentes gozaron dun viño godello da Cooperativa Xesús Nazareno do Barco eduns ágapes para celebrar un ano máis desta edificante iniciativa que está comisariada polo valdeorrés Gerardo Rodríguez e Domingo Tabuyo. O cartel desta edición é obra pola deseñadora barquense Conchi Sanjuan.
Ademais, Artsorey foi a presentación da nova Totebag ” de pel SALGADA” realizadas pola artista Susana Ferradás.
Fotos e vídeo cedidos.
