“María Solinha”, o filme do director petinés Ignacio Vilar continúa o seu percorrido polos concellos do rural galego. A próxima cita será na praza Maior de Viana do Bolo e contará coa asistencia de protagonistas do filme. O evento iniciarase cunha presentación ás 22:00h e a proxección comezará ás 22:30h.
Segundo o alcalde de Viana, Secundino Fernández Fernández, o acto contará con aforo limitado ademais de todas as medidas de seguridade derivadas da pandemia do coronavirus. As seguintes proxeccións serán na provincia de Lugo, en Barreiros, o próximo 3 de agosto e en Guitiriz, o día 4.