Rematada o Entroido o Centro Cultural Avenida da Rúa recupera a súa programación e nesta fin de semana, a maiores do cine haberá maxia e música en directo.
A partir das 19 horas, o Mago Teto presentará Rock ’n’ Magic, un show que mestura as dúas principais paixóns de Teto: o rock e a maxia, dando como resultado un espectáculo cargado de ilusións, ritmo, humor e moita tralla.
Aparicións sorprendentes, xogos de adiviñacion e pequenas e grandes ilusions máxicas. Rock ‘n’ Magic é, máis que un espectáculo de maxia, un concerto de rock and roll no que o Mago Teto une o seu talento ao de Míster Cool e Fer Risco, para construír un espectáculo onde a maxia convive con algúns dos clásicos do rock and roll.
