As campañas de concienciación que se veñen promovendo dende o Concello do Barco para fomentar unha correcta separación dos residuos domésticos, tanto na casa como logo nos contedores, parecen estar dando os seus froitos. Polo menos é o que reflexan os datos.
“No ano 2019 incrementouse en algo máis dun 2% o depositado de lixo para o reciclado, tanto no servizo de recollida de residuos a domicilio como no punto limpo existente na localidade”, segundo o Concello do Barco, “as subas foron especialmente significativas no caso dos envases e do vidro, mentres que no papel e cartón o incremento foi máis pequeno”, segundo o Concello do Barco.
Ademais dende esta administración local destácase que o traballo de divulgación realizado “deu como resultado un incremento paulatino dos niveis de reciclaxe no conxunto do lixo recollido no municipio, ata chegar aos datos do ano 2019, no que o peso do lixo total procesado, procedente dos fogares barquenses chegou a 5.202.557 quilos, o que supuxo un 2,09 por cento máis que no ano 2018. Desta cantidade, 4.306.210 quilos foron fracción resto (un 0,67% máis). Desta cantidade, 164.460 quilos corresponden ao vidro depositado nos contedores, cun incremento do 6,22 por cento neste material, e 185.410 quilos a envases, cunha subida do 12,80 por cento. O papel e cartón recollido en contedores pesou case 234.000 quilos, (un 3,30 % máis), pero a recollida de cartón porta a porta nos comercios descendeu un 18,%, con 21.790 quilos. Non obstante, o total de papel e cartón supuxo un incremento dun 1%”, segundo o Concello.
Para este ano está prevista a posta en marcha de campañas concretas no Barco para continuar coa mellora da reciclaxe no municipio, buscando de xeito concreto mellorar na recollida de papel, cartón, vidro e envases, segundo anuncia o Concello.
