A tradición e a música galega protagonizaban a conmemoración do Día das Letras Galegas en Manzaneda na xornada do venres 17 de maio. O programa comezaba a partires das seis da tarde cunha actuación de baile tradicional na residencia da terceira idade desta vila a cargo dun grupo de danzantes moi noviños.
Os ritmos tradicionais continuaban ás sete da tarde no local da Rebusca coa actuación das pandeireteiras da Rebusca e de nenas e mozas. A celebración continuaba arredor as oito desta volta coa voz e as melodías do cantautor Xosé Constenla.
E, como broche do programa, en torno ás once da noite o local da Rebusca acollía o concerto de “música tradicional furtiva” de Tanto nos Ten. Este actos foron organizados pola Asociación Cultural A Rebusca en colaboración co Concello de Manzaneda.
Fotos: cedidas/ Carlos G. Hervella.