Monólogo de Alberte Montes no Ruxe Ruxe de Quiroga

O humor regresa á cervexería Ruxe Ruxe de Quiroga. Desta volta, a cargo de Alberte Montes (orixinario de Anguieiros, Quiroga e residente en Barcelona), que actuará o vindeiro sábado 20 de febreiro a partires das 23:30h.

Montes é actor, guionista e director, entre outras cousas, e presenta un show “explosivo, cargado de enerxía, adrenalina e humor”, un monólogo fresco, orixinal e disparatado, aderezado coas súas “albertadas”, historias cotiás improvisadas, mesturadas con doses de realismo, actualidade e chistes, coas que ao longo dunha hora fai rir aos asistentes.