A localidade barquense de Viloira súmase aos festivais da man de AMAVA, a Asociación de Música Alternativa de Valdeorras que este ano celebra o 15º aniversario, e Mahou.
Os días 18 e 19 de xullo celebrarase o ‘Birra e Rock Fest’, unha cita que mestura a música en directo con bebida e comida. Con entrada de balde, no aparcadoiro que hai detrás da Casa Grande, o programa arrincará o venres en torno ás 20 horas cos concertos de Gallego Comun, Fuss e Green Angels. Ese día o fin de festa correrá por conta de Amadeo Dj.
O día grande será o sábado, con sesión vermú ás 13 horas coa actuación do solista Martiño; e os concertos a partir das 18 horas con El Patio de Leni, Mrs. Fine e Navegando a Barlovento. A discomóvil Opium e Dj Isra porán o broche.
