“Do río ao mar, Palestina vencerá”. Baixo este lema celebrábanse concentracións de apoio ao pobo palestino en 28 localidades galegas, entre elas O Barco, na tarde deste 24 de xaneiro. A praza do Concello convertíase novamente en escenario deste acto reivindicativo, que se iniciaba berrando consignas como “Palestina vencerá” ou “Onde están, non se ven, as sancións a Irsael”. Deseguido, procedíase a dar lectura ao mesmo manifesto que se escoitaba nas outras 27 concentracións que tiñan lugar en Galicia. Esta é xa a cuarta concentración deste tipo celebrada na vila valdeorresa.
