Novo incendio na Gudiña, esta vez en Pentes

Os incendios forestais continúan afectando ao concello ourensán da Gudiña. Apenas unhas horas despois da extinción do de Barxa, nesta madrugada, en concreto ás 3:35h., comezaba outro lume neste municipio. Desta volta era na parroquia de Pentes. Quedaba estabilizado pasadas as dez e media da mañá e finalmente era controlado en torno ás cinco da tarde.

Segundo as estimacións feitas públicas pola Consellería do Medio Rural, a superficie afectada é dunhas 35,87 hectáreas. No lugar participaban 4 axentes, 12 brigadas, 4 motobombas e 2 helicópteros.