As funcións do Parlamento de Galicia, a súa composición e órganos e labor que se desenvolve nesta Cámara autonómica eran abordados nunha charla-coloquio que se celebraba esta mañá no Colexio Plurilingüe Divina Pastora do Barco. Ata o centro valdeorrés desprazábanse dous exdeputados galegos María Xosé Vega Buxán e Manuel Luis Rodríguez, que nesta sesión divulgativa ademais de expoñer a realidade do Parlamento galego, principal institución política da comunidade, respondían ás preguntas dos estudantes.
Estas charlas-coloquios están organizadas polo Parlamento de Galicia e pola Asociación de Exparlamentarios.
Fotos: Carlos G. Hervella.
