O comercio do Barco e da Rúa participará na campaña de dinamización “Venres Negro”, organizada conxuntamente polo Barco Centro Comercial Aberto (CCA) e pola Asociación Empresarial de Valdeorras. Será o venres 26 de novembro, con ampliación de horario de apertura ata as 22:00 horas, e o sábado 27 de novembro, en horario comercial.
Durante eses dous días, os 30 establecementos participantes na campaña ofrecerán aos seus clientes descontos en produtos de tempada co obxectivo de animar as vendas para a Campaña de Nadal.
Os comercios participantes do Barco son Ana de la Puente, Ana Óptica, Baamonde, Boutique Glory, Boutique Suá, Can-Can, D´Chus, Depidel, Deportes e bicis Chapi, Eneska, Estética Pamen, Foot on Mars, Garoba, L´araña, Librería Murciego, Marylebone, Mercería Carmiña, Miranda X, Modas Toño, Nº 37, O Bambán dos Sorrisos, Pizpireta, Ton e Son, Zapatería Moral e Zapatería Palpie.
Os comercios da Rúa que participan na campaña son Confeccións Rosendo, Deportes Aris, Fíos, Mercería Raquel e Perfumería Compostela.
