Este acto, celebrado ao mediodía do 8M na praza do Concello, tiña como protagonistas ás alumnas de tres centros de ensino da vila
A praza do Concello do Barco acollía no mediodía deste 8 de marzo unha concentración con motivo da celebración do Día Internacional da Muller. Este acto estaba protagonizado por varias alumnas barquenses (dos IES Martaguisela, Lauro Olmo e do colexio Divina Pastora) que interviñan para reivindicar os dereitos das mulleres en diversos ámbitos e facetas, das actuais e tamén os das vindeiras xeracións.
Os actos do 8-M continuarán a partires das sete e media da tarde cunha ofrenda floral na praza Clara Campoamor e cunha nova concentración na praza do Concello.
Fotos: A.R.
