Xusto quince días despois do seu bronce no galego de marcha en ruta, o atleta barquense José Fernández Nieves vén de facerse cunha nova medalla, pero desta volta nun campionato nacional. Neste domingo 16 de febreiro competía en Torrevieja no XXV Campionato de España de Marcha Máster, onde se facía coa prata na categoría M35 nos 20 km.
Este marchador barquense, que compite co Real Club Celta de Vigo, completaba o circuíto nun tempo de 1h.38:14. O vencedor desta categoría era Daniel López do UCAM-Athleo Cieza.
