Non resultou doado. Nesta categoría e a estas alturas nunca o é. Pero equipo sénior do Centro de Deportes Barco segue sumando partido a partido, subindo postos na clasificación e xa é 5º, a so dous puntos da promoción de ascenso.
Os últimos tres puntos conseguíano na tarde do 21 de febreiro en casa, no Campo de Calabagueiros fronte ao Noia CF. Trala primeira metade do partido sen goles, no minuto 60 chegaba o tanto local, o único do partido, logo dun saque de esquina ao despexar un defensor un defensor visitante sobre a propia porta.
Así, pola mínima, os rapaces de Javi Rey sumaban tres puntos de ouro e xa van 39, un por riba do Vilalvés e o Bouzas, a dous do Fabril e a dez do líder o Cerceda que visitará O Barco o vindeiro 6 de marzo.
Coma sempre, a afección respostou á chamada do club, seguindo con atención o encontro dende as bancadas e tamén a pé de campo.
Fotos: Carlos G. Hervella
