CulturaCulturaEducaciónÚltima hora

O Castrillón (Larouco), escenario do único campo de voluntariado arqueolóxico de Valdeorras

Por segundo verán consecutivo este xacemento prerromano acollerá esta iniciativa de lecer educativo en xullo

Os mozos do campo de voluntariado do pasado ano no Castrillón (Larouco), durante unha visita guiada./ Foto: Carlos G. Hervella.

Logo da excelente acollida do pasado verán, no vindeiro mes de xullo O Castrillón de Larouco será escenario dun novo campo de voluntariado medioambiental e arqueolóxico, que incluirá, entre outras actuacións, sondaxes arqueolóxicas na contorna deste impresionante xacemento prerromano; a colocación de caixas-niño; unha limpeza manual da zona do asentamento e un estudo da fauna e flora da contorna.

Este campo de voluntariado está dirixido a mozos de entre 18 e 30 anos de idade e conta cun total de 15 prazas. Desenvolverase do 4 ao 15 de xullo e será o único da comarca de Valdeorras.

Este será un dos 9 campos de voluntariado que se desenvolverán este verán na provincia de Ourense. Con estas iniciativas preténdese fomentar o lecer educativo saudable e seguro das mozas e mozos durante a temporada estival e, á súa vez, amosar o respecto que o patrimonio e a natureza merece e precisa mentres se contribúe á súa conservación e mellora.

Máis información e solicitudes en http://xuventude.xunta.es/accion-de-veran/8841-oferta-campos-de-traballo-en-galicia-2021

 

 

Artigos relacionados

Back to top button