Dunha triple homenaxe por parte do CD Córgomo Vilamartín comezaba o partido ante o CD La Purísima disputado na tarde deste sábado 21 de outubro no Campiño de Viloira (O Barco).
O partido estaba adicado a Fonso e antes de comezar o partido o equipo vestía dúas camisetas diferentes, unha morada en apoio á Carreira das Cidades contra o Cancro de Páncreas de Vilamartín; e outra branca para dar ánimos a Álex lesionado hai unhas semanas e que se todo vai ben reincorporarase ao plantel no mes de xaneiro.
Con respecto ao xogo, eran os ourensáns de La Purísima quenes se adiantaban no marcador cun temperán gol no minuto 16. A partir de aí o partido desenvolvíase con certa tensión e unhas decisións arbitrais moi criticadas pola afección local, chegando ao descanso co 0-1. Xa na segunda parte, Jairo empataba o encontro cun gol no minuto 50 e Rubén adiantaba aos verdibrancos cun gol no 87′. Pero rozando xa o desconto La Purísima poñía o 2-2 no marcador co conseguinte reparto de puntos.
A seguinte cita para os rapaces de Davis Pérez será en Allariz contra o CD Raio Alaricano.
Fotos da galería: Mónica G. Bellver.
