Non foi doado de conseguir pero finalmente o CD Rúa sumaba o primeiro punto en casa. Na tarde deste domingo 5 de novembro o conxunto amarelo enfrontábase no campo Vicente Solarat Maceda ao Ribadavia Atlético nun partido no que os de Javier Ferrer (fóra do campo por sanción), foron de menos a máis.
A primeira parte estivo dominada polo conxunto visitante marcando o primeiro gol no minuto 15. Os amarelos tiveron un par de ocasións que non chegaban a transformar. Tralo paso polo vestiario a cousa cambiaba e o xogo dos amarelos intensificabase creando numerosas ocasións. Así e todo eran os do Ribadavia os que volvían marcar.
Co 0-2 en contra, xa no minuto 85 Álex recurtaba distancias ao transformar un penalti e no 89′, rozando xa o final, Eric empataba o encontro sen tempo xa para máis.
A seguinte cita para o Rúa será en Outeiro Grande contra Maside.
Fotos e vídeo: Mónica G. Bellver.
