Case o logran pero finalmente quedaban en táboas. Co empate a uns remataba o partido de fútbol disputado na chuviosa tarde deste domingo 24 de xaneiro no campo Vicente Solarat Maceda entre o CD Rúa e o Rocas CF.
Eran os amarelos os que se adiantaban no marcador cun temperán gol de Emilio no minuto 6 pero os visitantes lograban empatar antes do remate da primeira parte.
Co 1-1 chegaba o tempo de descanso e tralo paso polo vestiario o marcador xa non se movería co conseguinte reparto de puntos para ambos equipos.
Con este resultado os de Heriberto Broco sitúanse no posto 13º de Segunda Futgal, con 18 puntos en 19 partidos. O seguinte será no campo do líder, o CD Coles.
Fotos: Mónica G. Bellver.
