Dun xeito moi intenso se vivía esta semana de Entroido nos centros escolares. No caso do CEIP Plurilingüe Julio Gurriarán do Barco, facíano baixo as “Ordes da Meca” máis reivindicativas e valdeorresas que nunca.
O luns foi o Día da Sanidade e os alumnos levaron prendas relacionadas cos médicos e enfermeiros/as en apoio ao hospital comarcal; o martes foi o Día das Letras, en homenaxe ao poeta valdeorrés Florencio Delgado Gurriarán pero tamén a outros como Rosalía ou Castelao; o mércores estivo adicado ás pandereteiras en xeral e ás Tanxugueiras en particular; e o xoves o Día do Pixama, todo un clásico; rematando o Venres de Entroido cunha festa rachada de disfraces con música e baile.
Así, na mañá deste venres 25 de febreiro, alumnos e profesores, dende Infantil ata 6º de Primaria, luciron os seus mellores disfraces, bailando, xogando e pousando diante da imaxe de Rosalía de Castro e tamén dun gran cartel sobre o Entroido.
Fotos: CEIP Plurilingüe Julio Gurriarán.