Ás dez da mañá deste mércores o alumnado de Primaria do CEIP Otero Pedrayo de Viloira (O Barco) partía en dirección á zona do Coutado para realizar unha tarefa moi especial: unha plantación de árbores. Con esta iniciativa o centro escolar celebra nesta xornada o Día da Árbore (21 de marzo) e tamén o Día Mundial da Auga (22 de marzo). Esta iniciativa enmárcase no Plan Proxecta o Monte Vivo, que promove este CEIP.
Uns 80 escolares, co apoio do profesorado e do persoal do Distrito Forestal XIII de Valdeorras, plantaba un total de 140 árbores. Os labores de plantación finalizaban pasadas as 11:30h., logo comezaban a regalos e, despois, facían un pequeno descanso e compartían unha merenda no mesmo Coutado.
Ao mesmo tempo, os alumnos de Infantil deste mesmo centro escolar barquense conmemoraban estas dúas datas plantando en macetas no colexio.
Fotos e vídeo: Carlos G. Hervella.
