Nesta fin de semana, en concreto o sábado 30 de setembro, desenvolvíase a novena proba de orientación a pé no mapa do monte Enxa en Porto do Son. Ata alí desprazábase un grupo de deportistas do Club Pena Trevinca Barco para tomar parte nesta cita.
Os participantes enfrontáronse a percorridos con orientación superficial, onde os desniveis fixeron que os traxectos fosen máis “físicos”. Este “veranillo de San Miguel” acompañou a xornada sen dar tregua aos participantes, quen tivo que soportar elevadas temperaturas á hora de realizar os distintos percorridos.
“Entre os resultados máis destacados podemos mencionar o segundo posto de Brais Rodríguez na categoría de M-12, o terceiro de Remy Durán F-55 e o primeiro posto de J. Rodríguez en Iniciación Longa”, aseguran dende o club.
A liga de orientación a pié xa está acadando a súa recta final, e continuará o próximo 14 de outubro na localidade de Goente, A Coruña.
Fotos cedidas.