EconomíaEconomíaPizarraÚltima hora

O Clúster da Pizarra de Galicia premia os mellores expedientes de Bacharelato do Barco, A Rúa e Quiroga

Fixo entrega dun cheque de 300 euros ás estudantes Lucía Álvarez, Paula Pérez e Inés Docampo

 

O Clúster da Pizarra de Galicia decidiu premiar a excelencia nos estudos e hoxe fixo entrega dos seus Premios aos Mellores Expedientes de Bacharelato das zonas de Quiroga, A Rúa e O Barco de Valdeorras.

O premio consiste nun talón de 300 euros para cada estudante. No IES Quiroga, a mellor estudante foi Lucía Álvarez; no IES Cosme López da Rúa de Valdeorras, resultou premiada Paula Pérez e no IES Martaguisela do Barco de Valdeorras gañou Inés Docampo.

Lucía Álvarez quere estudar Dereito Bilingüe; Paula Pérez, Comunicación e Xestión de Moda e Inés do Campo, Medicina. O xerente do Clúster da Pizarra de Galicia, Severino González facía entrega esta mañá dos cheques nos diferentes centros educativos.

Fotos cedidas.

Artigos relacionados

Back to top button