O Colectivo de Pensionistas de Valdeorras dará charlas informativas sobre o sistema de pensións

Con novas accións o Colectivo de Pensionistas de Valdeorras mantera viva a súa actividade. Nunha asemblea celebrada na tarde do 7 de novembro no Barco, esta entidade tomaba a decisión de deixar por agora as concentracións que viñan celebrando e de preparar, coa axuda da federación de pensionistas de CCOO, unhas sesións ou charlas divulgativas sobre o tema central das pensións, valéndose dalgunha persoa de renome e coñecemento da situación dos xubilados e pensionistas en Galicia.

Polo de agora as datas e os relatores están sen concretar, pero “a pretensión é non retrasar a primeira charla como moito ata fin de ano e, esperando xa daquela ter máis información ao respecto dos orzamentos xerais”, adiantan dende o colectivo e dende CCOO.