Desde o Concello de Verín vén de informarse que “debido ao importante aumento de casos activos de Covid-19 que está a experimentar a nosa comarca pospóñense todos os eventos restantes da axenda de Nadal programados en interior”.
Así pois, os concertos de Gisela (Concert Kids) e Lyberic (Tributo a Il Divo) que se programaran no Auditorio Municipal quedan adiados ata novo aviso.
As persoas que xa adquirisen as súas entradas recibirán unha mensaxe no e-mail utilizado para a compra das mesmas “no que se lle darán dúas opción: conservar o seu acceso na nova data, que se anunciará a través das nosas RRSS; ou ben recibir o reembolsado do importe correspondente”, segundo informa o Concello de Verín.