OurenseÚltima hora

“O descanso dos Cigarróns”, cartel do Entroido 2019 de Verín

Este traballo, presentado por Ana Isabel Arias López, era o que lograba a mellor puntuación no concurso convocado polo Concello
Imaxe do cartel do Entroido 2019 de Verín. Foto: Concello de Verín.

O cartel presentado baixo o lema “O descanso dos Cigarróns” resultaba gañador do concurso do Cartel Oficial do Entroido 2019, segundo o reconto da votación popular celebrado o día 10 de decembro no Auditorio Municipal do Concello de Verín.

No proceso de votación participaron un total de 590 persoas que puideron valorar o deseño que máis lle gustou dos carteis que concursaban para imaxe oficial do vindeiro Entroido. Tras a suma dos votos da veciñanza, o traballo que máis puntuación acadou foi o número 17 titulado “O descanso dos Cigarróns”, de Ana Isabel Arias López, converténdose así na imaxe desta festa para o próximo ano.

A acta oficial, que reflexa o reconto das votacións, está a dispor do público tanto na Casa Consistorial como na propia páxina web do Concello de Verín.

 

Artigos relacionados

Back to top button