Ás oito desta tarde de 20 de agosto as rúas do centro de Xinzo de Limia enchíanse de persoas. Reuníanse nas beirarrúas para presenciar o desfile final da XXIII Festa do Esquecemento que se está a celebrar nesta vila nesta fin de semana.
Primeiro os romanos e logo os castrexos percorrían a localidade nun concorrido e animado desfile que concluía cos participantes regresando ao campamento. O programa do Esquecemento completarase este domingo ás 22:30h. cun pasarrúas polo casco vello co grupo Lirolaio e para ás 23:30h. está previsto o pagado do lume sagrado no campamento. Xa a medianoite entregaranse os premios ás mellores casetas romanas e castrexas e o punto final da celebración virá da man do grupo Treefolk, no campamento.
Fotos: Carlos G. Hervella.
