Mundomandarina actuará mañá na Casa da Cultura de Viana e Culturactiva o domingo no Centro Cultural Avenida da Rúa
“Terra Máxica” continúa o seu percorrido pola provincia de Ourense. Desta volta tócalle o turno aos concellos de Viana do Bolo e A Rúa.
Mañá, sábado 14 de abril, a Casa da Cultura de Viana acollerá o espectáculo Laboratorio Máxico de Mundomandarina, previsto para as 19:30h. E ao día seguinte, domingo día 15, será no Centro Cultural Avenida da Rúa onde a compañía Culturactiva presente unha das estreas desta edición do festival de maxia de Ourense: Saaabor! A cita será a partires das 18h.