O folión e os Boteiros de Viana do Bolo, no X Festival da Máscara de Zamora

Da praza da Marina de Zamora partía arredor das seis da tarde do 29 de setembro o desfile do X Festival da Máscara. Con el cobraban vida unha serpe duns 25 rituais de diferentes puntos da península. Nesta edición a única representación galega viña da man do Folión e dos Boteiros de Viana do Bolo, que enchían coa forza do seu toque o centro da capital zamorana.

Ademais podía verse unha ducia de mascaradas da provincia de Zamora. Tamén era ampla a representación lusa neste festival con media ducia de grupos de Bragança. Ademais había mascaradas doutras zonas españolas como Madrid, León, Asturias ou Cáceres. O desfile concluía na praza Viriato.