O Grupo de Desenvolvemento Rural (GDR) Ribeira Sacra-Courel participa como socio no proxecto que pretende desenvolver, entre outros, cruceiros fluviais combinados con oferta de percorridos terrestres, e onde o vindeiro venres 18 terá lugar o acto institucional de firma do protocolo de colaboración e posta en marcha deste proxecto entre os 16 socios participantes.
España aposta por crear unha oferta de cruceiros costeiros e fluviais que poida competir internacionalmente como un gran club de produto, con outros destinos náuticos a través da liña de axuda Experiencias Turismo España cun apoio económico de fondos Next Generation de case 2 millóns de euros.
O proxecto da Rede de Cruceiros Costeiros e Fluviais dos Destinos Náuticos Sostibles de España (Rede CCF) implantarase en 10 comunidades autónomas: Galicia, Estremadura, Castela e León, Aragón, País Vasco, Cataluña, Andalucía, Canarias, Baleares e Ceuta, e será liderado pola Asociación Galega de Actividades Náuticas – AGAN+ que leva desde 2016 desenvolvendo o concepto de cruceiros costeiros grazas a varios proxectos europeos de cooperación transfronteiriza con Portugal (POCTEP) e Interreg Espazo Atlántico con Francia, Reino Unido, Irlanda e Portugal.
O apoio do Goberno de España a esta iniciativa na que participan 16 socios (entidades públicas e privadas) vai supoñer un gran cambio na oferta de turismo cultural con base náutica de España. Este proxecto foi seleccionado entre máis de 237 presentados, e alcanzou unha valoración de 89 puntos, obtendo o cuarto posto dos 36 financiados e sendo o de maior contía cun importe de 1.999.980,00 €.
O proxecto, cunha duración de 14 meses ata o 31 de decembro de 2023, ten o seguinte gran obxectivo: “Crear a Rede de Cruceiros Costeiros e Fluviais dos Destinos Náuticos Sostibles de España (Rede CCF). Unha plataforma que funcionará como interlocutor a nivel nacional para planificar o desenvolvemento dos destinos náuticos e unha oferta estandarizada de cruceiros costeiros e fluviais en España para poder competir con outros grandes destinos europeos”.
Preténdese potenciar por unha banda, o desenvolvemento de itinerarios náutico culturais (Cruceiros costeiros) polas costas españolas valorizando a través de escalas o coñecemento do patrimonio e a cultura dos distintos destinos.
Doutra banda, búscase crear cruceiros fluviais nos principais ríos, encoros e mares interiores de España, coa peculiaridade de que é necesario combinar os percorridos fluviais con percorridos terrestres para salvar as dificultades que supoñen a orografía do terreo e a existencia de presas, e que permitirán dar a coñecer a oferta turística de cada territorio.
Este proxecto é un primeiro paso para estruturar o turismo náutico cultural de España a través dos destinos náuticos sostibles destes territorios, o que supón unha aposta colectiva e suprarregional. En Galicia participan os socios seguintes:
• ASOCIACIÓN GALEGA DE ACTIVIDADES NÁUTICAS-AGANPLUS, cun orzamento de 194.840,00 € e exercendo de xefe de fila e coordinador da Rede CCF envorcase os seus esforzos en desenvolver o destino náutico fluvial próximo á cidade de Ourense.
• DESTINATION EXPERIENCES S.L., cun orzamento de 115.300,00 € que realizará as súas actuacións na área fluvial próxima á cidade de Lugo
• GDR RIBEIRA SACRA-COUREL cun orzamento de 109.145,00 €, cuxa actuación se desenvolvese nas áreas fluviais dos ríos Miño e Sil ao seu paso pola Ribeira Sacra- Preténdese realizar unha actuación colaborativa para converter os ríos Miño e Sil en destinos náuticos fluviais sostibles.
O resto de socios do proxecto son: • Asociación Ibérica de Municipios Ribeiregos do Douro, • AZTUR • Deputación Provincial de Valladolid • Geocyl Consultoria • Asociación deportiva Cultural Sail In Festival • Factor Lecer Sl • Agrupación industrial marítima de Andalucia • Porto Sotogrande SA • Camara Oficial de Comercio, Industria, Servizos e Navegación de Ceuta • PIMEZ, Petita i Mitjana Empresa de Catalunya • Agrupación industrial Marítima das Illes Balears • Turismo Integral en Rede Sl • Berdeago-Asociación Europea para a Sustentabilidade.
Ademais, cabe destacar que a próxima semana, desde o 16 ao 18 de novembro desenvolvésese o meeting de lanzamento do proxecto en Galicia A este meeting ten confirmada a súa asistencia integrantes das 16 entidades implicadas no proxecto que veñen a Galicia para comprender de primeira man o concepto desenvolvido de cruceiros costeiros.
A axenda comprende o primeiro día visitas de estudo na Guarda, Vigo para dar a coñecer as ferramentas tecnolóxicas desenvolvidas nos proxectos europeos Ecodestin e Capiten. No segundo e terceiro día na Ribeira Sacase – O Courel, ademais de traballar na planificación do proxecto, debaterase sobre sustentabilidade e accesibilidade, dos destinos náuticos, e sobre as futuras liñas de actuación da Rede de Cruceiros Costeiros e Fluviais.
Por último asinásese o protocolo de creación da Rede CCF cun acto institucional o 18 de novembro terá lugar na Ribeira Sacra, concretamente no cañon do Sil, nas instalacións da adega Regina Viarum.
