Moitas ganas tiñan en Calabagueiros de desfrutar dunha merecida vitoria do CD Barco como a que lograban na tarde deste sábado 18 de febreiro ante o Gran Peña CF.
En pleno Entroido e nunha radiante tarde, o solitario gol de Alejandro Rey no minuto 18 da primeira parte servía aos de Edu Rodríguez para gañar e sumar tres puntos e ouro.
Con este resultado, logrado nun dos partidos adiantados da xornada 21ª de Terceira RFEF, os barquenses suman 25 puntos, sitúandose provisionalmente no décimo posto. A seguinte cita levaráos ata o campo do Silva.
Fotos e vídeo: Julio Quintas.
