Son xa once días seguidos os que levan baixando os casos activos de Covid-19 na provincia que se sitúan por baixo dos 2.000. Así a Área Sanitaria de Ourense, Verín e O Barco conta con 1.991 pacientes con infección activa, 105 menos que onte, segundo os últimos datos, actualizados ás 18h. do 8 de febreiro, e publicados esta mañá pola Consellería de Sanidade. Así mesmo continúan en descenso os novos casos confirmados por PCR nas últimas 24 horas, un total de 34 (fronte aos 43 de onte).
Ademais nesta xornada descenden os ingresos, hai 151 persoas hospitalizados en planta (10 menos que onte) e 20 na Unidade de Coidados Intensivos (a mesma cifra que onte). O Hospital Público de Valdeorras rexistra 12 ingresos de pacientes en planta (1 máis que onte), o Hospital de Verín baixa a 8 ingresos (2 menos onte) e o Hospital Universitario de Ourense ten 128 en planta (9 menos) e 20 na Unidade de Coidados Intensivos (os mesos). Finalmente, a Clínica Santa Teresa mantén 3 ingresos en planta.
O total de casos rexistrados ata o de agora na provincia ascende a 14.020, con 11.649 curados e 381 falecidos (1 máis que onte). Polo de agora lévanse realizado 189.335 probas PCR e 94.053 probas serolóxicas.
