O Hospital Público de Valdeorras súmase á celebración das Letras Galegas deste 2022, adicadas ao poeta corgomés Florencio Delgado Gurriarán. “escritor, poeta, editor e tradutor nado en Córgomo, no concello de Vilamartín, en 1903, apaixonado da cultura galega e de Valdeorras, que levou como bandeira e protagoniza os seus poemas”, sinalan dende a Área Sanitaria de Ourense, Verín e O Barco.
Neste senso, o centro sanitario valdeorrés incorpórase “á festa das Letras e da comarca” cun vídeo no que persoal sanitario recita versos de Florencio, tal e como pode verse no seguinte vídeo.
Vídeo cedido polo Sergas.
