Descenso de ingresos por COVID-19 no Hospital de Vadeorras. Segundo os últimos datos achegados pola Consellería de Sanidade, a cifra de positivos hospitalizados no centro barquense é de 14, isto é, 4 menos que na xornada de onte.
A Área Sanitaria Ourense, Verín e O Barco de Valdeorras conta, segundo a última actualización de Sanidade, con 1.082 casos activos de coronavirus, dos que 889 permanecen a seguemento a domicilio, 170 están ingresados en planta en hospitais e 23 en UCI.
Ademais dos 14 ingresos do Hospital de Valdeorras, no Hospital Universitario de Ourense hai 150 en planta e 22 en UCI e no Hospital de Verín hai 6 hospitalizados en planta. Por outra banda, no CO.SA.GA hai 1 ingreso en planta e outro en UCI.
“Os 23 pacientes ingresados na UCI son de prognóstico grave”, segundo Sanidade.
O total de casos de COVID-19 rexistrados na provincia ascende a 1.289, con 141 altas e 66 falecementos (cifras nas que se inclúen os dous desta mañá nos hospitais de Valdeorras e Verín e os que se produciron en residencias)
Ademais na provincia de Ourense lévanse realizado un total de 4.848 PCR.
