Por segunda xornada consecutiva, soben os ingresos por Covid-19 no Hospital Público de Valdeorras. Segundo os datos feitos públicos esta mañá pola Consellería de Sanidade (actualizados ás 18h. de onte), o hospital do Barco rexistra 5 ingresos en planta por coronavirus, 1 máis que onte.
O Hospital de Verín mantén 6 en planta (os mesmos que onte) e o Hospital Universitario de Ourense con 29 ingresos en planta (a mesma cifra que onte) e 6 en UCI (1 máis que onte). En total son 46 as persoas hospitalizadas por Covid na provincia de Ourense, 2 máis que onte.
