Ante o olor a gas que se detectaba en torno ás 10h. deste domingo 8 de novembro nun dos edificios do inicio da rúa Coruña do Barco, eran mobilizados os servizos de emerxencias. Ata o lugar acudían de inmediato o Grupo de Emerxencias Supramunicipal (GES) Valdeorras, a Policía Local e os bombeiros do parque comarcal, pero todo quedaba nun susto.
Tamén era avisado un técnico da empresa subministradora de gas para tratar de buscar unha posible fuga.
