O subdelegado do Goberno en Ourense, Emilio González, presentou hoxe a terceira convocatoria, xa aberta, da terceira convocatoria do programa UNICO-Banda Ancha, que levará a conexión a internet mediante fibra óptica a 1.283 familias e empresas de zonas rurais e remotas da provincia. Esta liña presenta uns investimentos en Ourense de de 2,9 millóns de euros que se destinarán financiar os proxectos de conexión necesarios para acadar o obxectivo de conectividade total do territorio no 2027.
Así o manifestou esta mañá no encontro mantido no salón de actos do Castelo de Castro Caldelas onde se desplazou xunto ao Xefe de inspección de Telecomunicacións da provincia, Enrique Sanmartín, quen informou aos alcaldes e representantes institucionais dos oito municipios das comarcas -Castro Caldelas, Montederramo, A Teixeira, Parada de Sil, Manzaneda, San Xoan de Río, Trives, Chandrexa de Queixa- de tódolos pormenores desta nova convocatoria do Plan Único poñendo en valor esta aposta do Goberno de Pedro Sánchez para cumplir cos obxectivos do reto demográfico.
González presentou esta nova liña xunto a alcaldes e alcaldesas dos concellos das comarcas de Terras de Caldelas e Trives sinalando que “esta inversión levará internet de banda ancha a “case 5.000 – 4.952 – vivendas das comarcas mellorando a conectividade en 596 núcleos de poboación”. A Convocatoria de 2023 xa foi adxudicada á empresa AVATEL TeleCom.
Investimentos da convocatoria na provincia de Ourense
Sumando os proxectos en marcha ao que se executarán coa actual convocatoria, o Goberno achegará a conexión ultrarrápida a internet mediante fibra a 236.154 fogares e empresas de Galicia antes da fin de 2025. En total, as tres convocatorias supoñen un investimento de 90,9 millóns de euros. En Ourense, beneficiaranse 57.056 fogares e empresas para o que Goberno achegará 23,6 millóns de euros.
O Goberno subvenciona en Galicia o 80% do coste dos proxectos, que son un exemplo de colaboración público-privada, xa que as empresas achegan o que resta ata a totalidade do custo destas actuacións. Os proxectos deberán estar finalizados antes do 31 de decembro de 2025.
