Non hai quen o pare, nin sequera as caídas. O rider rues Javier Fernández Quiroga segue dando alegrías aos afeccionados do enduro en BTT e tras lograr un segundo posto no circuíto da Picaraña (Ponteareas) con caída incluída, vén de proclamarse campión en e-bike no III Enduro Faro do Budiño, no Porriño.
Na proba, incluída na Copa de Galicia de Enduro, participaban uns 200 ciclistas e constou de cinco tramos de enlace e cinco cronometrados individuais que en total sumaron 30 km cun desnivel positivo de 1200 metros. Uns circuítos vistosos e “moi moi físicos”, puntualiza Javier.